David Maver carves 197 flora and fauna for 7 pence per hour

by Shane Strachan

May 14-8: Panel Flowering Currant        57h
May 21-8: Panel Carnation                      59h
May 31-Ju: Panel of fruit                    171h

    Meenits upo hoors upo
    days ma haans dirl
    as I dunt the mell
    aff ma chesel, ein-
    lessly gan against
    the grain tae gudge
    oot strips o cedar,
    a vide thit          shapes
snaaberries,           mint
             leaves,              orchids,
               staaks           o wheat,
              passion            flooers,
             seashells,    salvia,
 daffodils,      lizards,
         aipple           blossom,
   clianthus,           brambles,
       abutilon,           chrysanthemums,           
            conifer              berries,
        peir trees,               lime leaves,
         lilies o the           valley,
                  an Solomon’s seal.
                    Cin there be beauty
     withoot bangstrie?
                 For ivvery pairt o me
              thit I hae futtled awa,
                   look up at aa the life
             I leave upo these waas.