Ootgauns

by Hamish Scott

An ebbin tide that’s plain ti see,
A watch, tak tent o, hou it gaes:
its waffs aye kythin, ilk a gree,
its sicht an sang, its till an frae
 
An in amang the tide an jaws,
A ken, whiles sees, a back-rug lours
that things cums in it taks awa,
for naething can resist its coorse
 
Aa pairt a muckle sea’s gret stour
o moniefauld tides, waffs an streams,
a michtie an undeemous pour
that haes its ens, yet enless teems