Wi that much gaun on

by Donald Adamson

(John 20:15 … She, supposin him tae be the gairdener, says tae him, Sir, gin ye cairried him frae here, tell me whaur ye hae laid him, and A wull tak him awaa)

They friens that are noo
lost tae me
A'd want tae meet again
in a gairden
the wey a wumman met a man
amang the burrowin ruits
and swellin buds 
o the bit they cry 
the Skull Place
and tuik him for a gairdener
wi aa that resurrection gaun on
and a wheelbarrae beside.