Northwords Now

New writing, fresh from Scotland and the wider North
Sgrìobhadh ùr à Alba agus an Àird a Tuath

editor@northwordsnow.co.uk Twitter Facebook Search

Chuir mi mo cheann

by Fearghas MacFhionnlaigh

Chuir mi mo cheann
sa mheurag
ach bha i ro theann

Chuir mi mo cheann
sa phìoba
ach bha mac-talla ann

Chuir mi mo cheann
sa fridse
ach bha e fada ro fhuar

Chuir mi mo cheann
sa phreasa
ach bha cus chòtaichean ann

Chuir mi mo cheann
sa challaid
ach fhuair mi sgròb ghoirt

Chuir mi mo cheann
sa mhuir ach bhìd
crùbag chrost’ mo shròn

Chuir mi mo cheann
sa ghainmheach
ach rinn mi casadaich

Chuir mi mo cheann
sa chidsin
ach chaidh trod rium

Chuir mi mo cheann
sna sgothan
‘s bha mi air mo dhòigh ghlan.

Northwords Now acknowledges the vital support of Creative Scotland and Bòrd na Gàidhlig.
ISSN 1750-7928 - Print Design by Gustaf Eriksson - Website by Plexus Media