Northwords Now Issue 40

The FREE literary magazine of the North

Trì Chuideim

by Lodaidh Macfhiongain

Mionaidean tostach a mhaireas fad beatha
Is an fhadachd is an gaol is an spèis nan làthair
Daonnan a’ beò-ghlacadh

Thèid an gabhail riutha coltach ri beusan nàireach
ga do chur fo thàmailt ann an doimhneachd
Far am beachdnaichear nach eil dol às

Ach thàinig leasachadh thron t-soilleireachadh
Gur e a bhith a’ gabhail riutha
Gun bhreitheanas an rathad airson an aotromachadh

Is na trì chuideim a tha seo
A’ fleòdradh air cuan brèagha fiadhaich luasganach
Na thaomadh agus shruthadh gun crìch