Recipe For a Good Storm
by Ingrid Grieve
Tae start wae yu'll need
A reid morneen sky
A ripple o sea
And a kithy wind
Add a gethereen o fairweather cloods
a scatter o shooers
and a change o ert
Leav it tae build
until the sky turns black
A gouster howls
and thurs a good demmle in the sea
and helly shooers
Noo, whip furiously until ye hiv a
howlan and screaman
wae a sea o riggid owsen,
crashan and smookan
in an air filled o salt spray.
The Orkney Voices Group as hid is noo wis started at the beginneen o 2018. The aim o hid wis tae mak a spaece whaar Orcadian spaekers could finnd weys o writan and spaekan aboot writeen.
The idea grew oot o a Scottish PEN project, Many Voices, that encouraged different marginalised groups ower Scotland tae finnd thir voices in creative writeen classes.
At the end o the project, the fokk in the Orkney group wanted tae keep gan, so the George Mackay Fellowship (GMBF) agreed tae tak is under thir umbrella. Wir supported be Orkney Library & Archive and Orkney Islands Council Culture Fund.
At the end o last year, efter meetan throughoot 2020 and 2021 online, we launched a collection o wark fae the members:Gousters, Glims and Veerie-orums, as the George Mackay Brown Centenary publication fae the GMBF. This haes led tae invitations tae read at a variety o events. In the next few months we will be appearing at Orkney Nature Festival, Orkney Folk Festival and St Magnus International Festival.
Gousters, Glims and Veerie-orums, price £10, is available to buy from Orkney Bookshops, Stromness Books & Prints,Tel: 01856 850565; and The Orcadian Bookshop, including online sales from their website:
The poems in this group are from members of the Orkney Voices Group.
|Census: Sock Knitter||Poem by Barbara Johnston|
|Island life||Poem by Sheila Garson|
|On the Road||Poem by Vera Butler|
|Recipe For a Good Storm||Poem by Ingrid Grieve|
|The Nugget||Poem by Lorraine Bruce|
|The Weather Dance||Poem by Greer Norquoy|
|Whit wir ye thinkan?||Poem by Issy Grieve|