Laoidh an Amadain Mhòir

by Maighread Stiùbhart

Às dèidh mar a thachair don Cheann Suidhe, 
Volodymyr Oleksandrovych Zelensky, 
anns an Taigh Gheal, Washington DC, 
air Seachdain na Gàidhlig, a’ chiad là den Mhàirt, 2025

Là do bhi An t-Amadan Mòr ,
An seòmar ughach an taigh-ghil’,
Chunnacas a’ tighinn an curaidh òg,
Chùm tràchdadh casg air ionnsaigh Ruis’.

Seach tairgsinn mòr chobhair dò,  
An t-amadan, don laoch òg, thuirt, 
“Càit’ a bheil do dheis, ghrinn, ùr
Gus nochdadh urram, dhòmhs’, an seo?”

Fhreagair sin an t-òglach tapaidh,
“’S neònach leam do bhriathran faoin,
Cleachdaidh mis’, gu deònach, culaidh, 
Nuair a bhios mo dhùthaich saor”.  

Sin labhair, le guth àrd, Am Pluicean ,
’S dh’fhaighneachd e don churaidh òg
“Don Amadan, an tug thu taing,
Neo buidheachas a shealltainn dò”?

“Bhuamsa fhuair sibh taing is spèis,
Ach! ri mo ghlaodh cha d’ thug sibh èist,             
Ged ’s math ur n-airgead is ur n-òr, 
B’ e sìth, ceann uidhe ’s fàth mo lò ”.

An t-Amadan Mòr - Dòmhnall Iain Trump
Am Pluicean - Seumas Dàibhidh Vance