Dùrachdan san Dorchadas

by Ceitidh Chaimbeul

dha bràthair mo sheanair,
An t-Urr. Canan Aeneas Mac an Tòisich 1927-1998

An saoghal na bhaoghal, naidheachdan làn sgeulachdan
le fìrinn chlaon, bàs cha mhòr cinnteach.
Beantainn, anail, fuil
fathannan eagalach is breugan
bha tuilleadh co-fhaireachdainn do lobharan is strìopaich.

Thuirt iad gum bu pheaca e, ach cha robh ann ach aineolas.
Cha do mhothaich duine dithis a’ dol a-steach air sheòl eile
airson beannachd os-ìosal air dàimh gun aithne
is anns an dorchadas, ministear làn le caomh-thròcairean.

Chuir solas-sràide bogha-frois tron ghlainne-dhathte
a’ dearbhadh nach biodh AIDS na pheannsachadh.
Thar gach subhailc gu lèir chuir esan gràdh –
an nì a tha na cheangal coilentais.