Fras-fhuilt

by Ceitidh Chaimbeul

Bha a falt an-còmhnaidh geal, mar leòmagan,
gach gaisean snaidhte am bachlagan beaga
leis an t-seampù is seata a fhuair i gach ceala-deug.
Gan cumail mion an lìon-fhuilt is rolairean
is na cùlain air an cuairteachadh le gleò
bhon chana àrd òir ri a taobh, anns a’ chabaig,
a’ choinnleag bhon dealt ga cruinneachadh uimpe
an riomball meomhairean òige –
àile làn de dh’fhallas is toitean stòlta,
glàmar seargaichte làr-dhannsa structe.